Jahan sab--hath,pair,kidney,liver insaan ke bas mein diye hain,
To yeh muthi bhar dil ka control use kyun nahin diya ?
Chahe ise jitna marji pakad ke rakho,
Par kambakhat apni harkaton se baaz nahin aata.
Jab bhi kisi par aa jaye,
Jeena mushkil kar deta hai.
Pehle to insaan sote samay hi sapne dekha karta hai,
Par ye dil jab kisi par aa jaye,
To neend to door ki baat,
Aankh khulte hi na jaane kaise-kaise sapne dikhata rehta hai.
Acha bhala aadmi khud ko ullu & chowkidar ki category mein add kar deta hai, jise aashiq kehte hain, aur raat bhar so nahi paata.
Insaan ko kya se kya bana deta hai ye dil,
Wo khud bhi samajh nahi paata.
Agar kandhe par apne chahne walon ka haath ho to usse zada confidence ki feeling kahin ho hi nahi sakti.
Apni field mein best perform karne ka reason,
Ache kapde pehan kar acha dikhne ka reason,
Apne aap ko physically fit rakhne ka reason,
Apne aap mein hi khoye rehne ka reason,
Akele mein haste rehne ka reason,
Kisi aur se baat na karne ka reason,
Har chahne wale se khul ke milne ka reason,
Har pal khush rehne ka reason,
Veeran raston pe akele chalte rehne ka reason,
Exams na hone par bhi raat ko neend na aane ka reason,
Jo aaj tak kabhi na kiya ho wo sab karne ka reason,
Dil ki baaton ko lafzon pe laane ka reason,
Fazool mein blog likhte rehne ka reason,
Aur bhi na jaane kya kuch,
Sab dil hi to provide karta hai.
Par dukh ki baat to ye hai ki ye sab sirf tabhi acha lagta hai jab tak do chahne wale ek saath hon.
Sabse zada dukh to tab hota hai jab ye sab one-sided love ka consequence ho.
Khushi ke palon mein to hum sab bhool jaate hain magar yahi dil hai jo hamein:
Bewajah rulata hai,
Har pal satata hai,
Kisi layak nahi chodta.
In short, agar ye dil zindgi jeene ka maksad ban jata hai to baad mein zindgi se door bhag jaane ka reason bhi yahi dil ban sakta hai.
Sabhi dil ka wyapar karne walon se meri ye khaas guzarish hai-----
Please kisi ki bhi chahat ko thes na pahunchana aur itna bhi dhyan zarur rakhna ki kisi aur ki bewafai se khud ko zada thes na pahunche.
Kisi ko itna mat chaho ki uski chahat tumhari majburi ban jaaye,
Chaho to itna chaho ki tumhara pyar uski zarurat ban jaaye.
Aur ab dono haath jodkar, sar ko jhukakar, main apne Uparwale se yahi winti karna chahta hu:
Hey Bhagwaan, agar koi kisi ko sache dil se chahe to please use kabhi bhi gam mein rone na dena, use shakti dena ki wo apne pyar mein safal ho sake, uski help karna, please........
0 comments:
Post a Comment
Thanks for taking your precious time out !!